amalinks wokungena

Breaking News

UMongameli Robert Mugabe Ungcwaba UMnu Elliot Manyika EHeroes Acre, Ethuka Amazwe Angentshonalanga


Isiphathamandla seZANU PF ebe sibona ngokuqhutshwa kwenhlelo zalelo bandla elizweni -u national commissar obe ngumpathintambo obengela gatsha alukhokhelayo, uMnumzana Elliot Manyika ofele engozini yemota ngoMgqibelo ubekwe ngolweSine emangcwabeni abekwa amaqhawe esizwe, eNational Heroes Acre.

Njengenjayelo uMongameli Robert Mugabe uhle wathatha lelo thuba ukuthuka amazwe angentshonalanga abalisa iBhilithane, iFrance leMelika lapho engcwaba uManyika eHeroes Acre. Utshilo njalo ukuthi eZimbabwe akula nkinga ezitshona zibaliswa yila mazwe ngaphandle kwezidalwa yizijeziso zawo zenotho, wathi umkhuhlane wesihudo owe Cholera usunganeno awuseludubo olungatshona luhlatshelwa ngabantu ukuthi eZimbabwe kule nkinga.

UManyika unikwe inhlonipho yeqhawe lesizwe lidale laphezulu lebandla leZANU PF, elePolitburo. Intathelizindaba yeStudio 7 uThomas Chiripasi obese Heroes Acre uchasisa akubone kusenzakala emngcwabeni lo.

Kunjalo nje ingcwethi ecubungula ezombusazwe uMnumzana Christopher Manzula Majikijela utshele uBrenda Moyo weStudio 7 ukuthi uMugabe uthatha abantu beZimbabwe njengeziwula zakhe ezingacabangiyo.

Ezinye Indaba ZeStudio 7...

XS
SM
MD
LG