Inhlanganiso ye International Organization on Migration ithi sekulabantu abanengi abaphathwa njengezigqili lapho besuka emazweni abo bedinga ubuphepheli kwamanye amazwe.
Esethula imbiko yakhe umqondisi walinhlanganiso, uMnu. William Lacy Swing uthe izilinganiso zabantu abaphephelayo baphathwe kubi seliqanse kakhulu umhlaba wonke jikelele.
Inani layabe bedinga ukuphephela ngaphetsheya kolwandle kodwa befe libikwa selisedlula inkulungwane ezintathu ngomnyaka.
Linhlanganiso ithi abanengi abafana labe Zimbabwe ngabadinga ukuphila kahle bebalekela ubuyanga emazweni abo. Ukuhlaziya loludaba uChris Gande weStudio Seven uxoxe lengcwethi ecubungula ezokwthulwa kwemibiko, uMnu. Zenzele Ndebele endawonye lomkhokheli wenhlanganiso ye Zimbabwe Migrants in South Africa, uMnu. Nqabutho Nicholas Mabhena onguye osungula loludaba.
