amalinks wokungena

Breaking News

Abalimi Abathi Baqilibezelwa Batshengisela Emawofisini eZANU PF


Abalimi laba bakhala ngokuthi baqilibezelwa yiziphathamandla zikahulumende kanye lenkampani ye Lasch Investments

Abalimi abavela kuzigaba zonke zelizwe batshengisele ngoLwesithathu emahofisini ebandla leZANU PF eHarare bekhalaza ukuthi umongameli Robert Mugabe angenele kudaba lwabo lapho abathi iziphathamandla zebandla leZANU PF zabaqilibezela ngokubathathela imali kanye lokungabaphi imphahla zokusebenzisa ekulimeni njengokuthenjiswa kwabo.

Abalimi laba bathi iziphathamandla zebandla leZANU PF, ezigoqela uMnu. Ignatious Chombo, Joseph Made, lamalunga ogatsha lwabatsha, zasebenzelana lenkampani ye Lasch Investments, elobudlelwano lohulumende yona engagcwalisanga izithembiso zayo zokubapha impahla zokulimisa abavezibhadalele, njalo akulampendulo abayitholayo nxa bebuzisisa ngaloludaba.

Asenelisanga ukuzwa imbono kaMnu. Chombo loMade ngaloludaba.

Omunye wabalimi abakhulume leStudio 7 uMnu. Agrippa Luwenja uthi okudanisayo yikuthi abakatholi impendulo evela kuziphathamandla zikahulumende lanxa bebuzisisa ngaloludaba.

Omunye njalo umlimi, uMnu. Jason Chirindi we Mashonaland Central, uthi walahlekelwa yimali engamadola angamakhulu ayisithupha-600 dollars kuloluhlelo.

please wait

No media source currently available

0:00 0:00:48 0:00
Lapho esitholakala khona

Abanye abalimi batshele iStudio 7 ukuthi sebethelwe yizilimo zabo njalo abanye babo abenelisanga ukulima njengenjayelo.

Bathi isehlakalo lesi sithinte abalimi abedlula inkulungwane eziyisitshiyangalombili-8000.

Omunye wabalimi abakade betshengisela uNkosikazi Regina Mazivanhanga uthe bazaqhubekela phambili ngalokhu ukutshengisela kusasa ngoba izikhalazo zabo zingemukelwanga.

XS
SM
MD
LG