Umkhokheli wecele leMDC-T, uMnu. Morgan Tsvangirai uthi ibandla lakhe selizilungiselele ukutshengisela lizola umbuso kamongameli Mugabe ngamandla ngoba engafuni ukulungisisa umumo womnotho welizwe.
UTsvangirai utshele umbuthano obusedolobheni le Masvingo ngempelasonto wokunanza iminyaka elitshumi lanhlanu lelibandla lasungulwa. Utsvangirai utshele lumbuthano ukuthi njengoba uhulumende kaMugabe wala ukuthi ahlale phansi lebandla lakhe bakhulumisane osekusele yikuthi lelibandla lithathe amanyethelo agoqela ukutshengisela. Lelibandla lithethe lelithuba laxoxisana ngodaba lwamaplungiselelo omhlangano omkhulu webandla lapho okuzakhethwa khona inkokheli, icongress.
Udaba lwesisekelo sombuso webandla esitsha selutshiye ibandla lidonselana ngoba abanye besithi isisekelo singaguqulwa uTsvangirai uzakuba lamandla aphindiweyo.
Lelibandla lithi lifuna kube lesisekelo esitsha phambilini komhlangano we congress ozenzwa ngenyanga ezayo.
Sixoxe lomsekeli wesikhulumeli sebandla, uMnu. Joel Gabhuza ukuze sizwe okunengi ngaloludaba.
