Icele le MDC-T elizibiza ngokuthi yi Renewal Team selilamalunga eNational Executive amatsha akhethwe ngemplaviki. INational Executive le ekhokhelwa nguMnu. Tendai Biti, izakuba lamakhomidi alitshumi lasithupha.
Omunye wenkokheli le nguMnu. Gorden Moyo, owasuka esikhundelini sokuba nguMgcinisihlalo ko Bulawayo ngenyanga edluleyo ozakhokhela ikhomidi ebona ngobudlelwano labahlala kwamanye amazwe.
Ngempelasonto kuvele amanye njalo amalunga edale lephalamende asekucele leli. Aselitshimi lathoba munwe munye-19 amalunga edale lephalamende asekucele leli.
Lona ibandla leMDC-T lalithole amalunga angamatshumi amane lasitshiya galolunye, 49, kudale le National Assembly labangamatshumi amabili lanye, 21 kudale le Senate.
IStudio Seven ixoxe lelunga lebandla leli, uMnu. Reggie Moyo ukuze sizwe okunengi ngaloludaba.
