amalinks wokungena

Breaking News

Intathelizindaba Ithwaliswanzima Ngokuthi Yafihla uDzamara


Itai Dzamara
Itai Dzamara

Intathelizindaba ye Zimbabwe ehlala kwele South Africa, uMnu. Mkhululi Chimoio, uthi usedlela evalweni kulandela imbiko ethi ulolwazi lokuthi intathelizindaba eyanyamalalayo, u-Itayi Dzamara wabaleka waya kwele Botswana njengendlela yokufaka uhulumende esimeni esibi.

Iphephandaba le The Herald lethule imbiko ethi usomabhizimusi uMnu. Energy Mutodi, olilunga lebandla le Zanu PF watshela amapholisa ukuthi elinye njalo ilunga le Zanu PF, uMnu. Fidelis Fengu nguye owamtshela limbiko.

Kodwa uMutodi utshele iStudio Seven ukuthi mpela wakhuluma lamapholisa kodwa wengeza esithi amazwi la wayetshelwe nguFengu.

UChimoio uke wathwaliswanzima zintathelizindaba zamaphephandaba kahulumende ngomnyaka odluleyo ethiwa nguye uBaba Jukwa owayeloba ngendaba zeziphathamandla zebandla leZanu PF ebulenjini be Facebook. Kodwa kwazovela sobala ukuthi kayisuye Baba Jukwa.

Sixoxe loChimoio othi usengohlezi esethuselwa ngabantu angabaziyo abathi kaveze uDzamara yena engazi ukuthi ungaphi.

please wait

No media source currently available

0:00 0:01:09 0:00
Lapho esitholakala khona

XS
SM
MD
LG