WASHINGTON DC —
UMongameli Mugabe ngoMvulo uhlangane labanye abakhokheli bomanyano weSadc kweleSouth Africa, emizameni yokudinga isisombululo kudaba lweLesotho.
UMugabe, ongumgcinisihlalo weSadc uhlangane lamalunga ogatsha lweSadc Troika agoqela uMongameli Jacob Zuma loMongameli weBotswana.
Kulokufuthalana okukhulu kweleLesotho phakathi kwenhloko kahulumende uMnu Thomas Thabane lomsekeli wakhe uMnu Motehetjoa Metsinga bebanga intambo zombuso.
UThabane wethesa uMetsing icana lokuzama ukumgenqula ngenyanga edluleyo esebenzisa amabutho.
ISadc ike yangenela kakhulu kudaba lweZimbabwe phakathi kuka2008 lanyakenye izama ukulungisisa ukudonselana phakathi kweZanu PF leMDC.