amalinks wokungena

Breaking News

Kuphoselwana Aqatha Esigodlweni seZanu PF


Inkulungwane zabacatshangelwa ukuthi ngabasekeli bakaMnu. Emmerson Mnangagwa zibuthene phandle kwesigodlo seZanu PF zitshengisela insolo yazo kuNkosikazi Mujuru

NgoLwesine bekulilanga elikhulu kakhulu kubandla leZanu PF lapho uNkosikazi Joice Mujuru azathoniswa khona amacala okubhidliza iZanu PF ngumkaMongameli, uGrace Mugabe emhlanganweni webandla leli, ipolitburo esigodlweni sebandla leli eHararee.

Phambilini komhlangano lo inkulungwane zabacatshangelwa ukuthi ngabasekeli bakaMnu. Emmerson Mnangagwa zibuthene phandle kwesigodlo seZanu PF zitshengisela insolo yazo kuNkosikazi Mujuru lomkhokheli wablwa impi yenkululeko, uMnu. Jambulani Sibanda.

Abantu laba bebethwele amabhakane alotshwe imbiko ecothoza uMujru lo Sibanda. Inkokheli yabalwa impi yenkululeko, ebalisa uMnu. Joseph Chinotimba lelunga lepolitburo, uNkosikazi Shuvai Mahofa bethule amazwi abo besola uMujuru lo Sibanda.

Engakangeni emhlanganweni wepolitburo, uMongameli Mugabe utshele kade betshengisela laba ukuthi uSibanda usezenza okhokhela ilizwe. Ukuhlaziya okwenzakalayo ebandleni leZanu PF uChris Gande weStudio Seven uxoxe lengcwethi ecubungula ezombusazwe, uMnu. George Mkhwananzi, waqala ngokumbuza ukuthi uyezwa na ukuthi ingungu yeZanu PF isikhala kakhulu?

Ingoxoxo loMnu. George Mkhwananzi
please wait

No media source currently available

0:00 0:02:21 0:00
Lapho esitholakala khona

Ukucubungula okwenzakala kubandla leZANU PF, uSithandekile Mhlanga weStudio7 uxoxe loMnu. Rejoice Ngwenya, ingcwethi ecubungula ezombusazwe, endawonye loMnu. Morris Ngwenya, laye ocubungula ezombusazwe njalo elilunga leZANU PF, yena ongumqalisiziba.

XS
SM
MD
LG