Inhlanganiso yeProgressive Teachers Union of Zimbabwe ithi uhulumende kumele athuthukise izikolo ezingaphumelelanga ezifundweni ze“A” Level nyakenye ngokuzithengela ingwalo ezidingakalayo lokulungisisa inhlalakahle yababalisi.
IPTUZ yethule inkuthazo le kulandela uluhlu lwezikolo eziphumeleleyo nyakenye olwethulwe lugatsha lweZimbabwe School Examinations Council (ZIMSEC) izolo.
Phakathi kwezikolo ezilitshumi eziphumelele kakhulu, akula ngitsho lesisodwa esiseMatabaleland.
Isikolo seSt Faith eManicaland yiso esihlezi kuNumber 1 silandelwa yiNyanga High laso esisesigabeni sinye.
KuNumber 3 kuleSt Anthony High esiseMasvingo.
Phakathi koluhlu lwezikolo ezilikhulu, isigaba seMatabeleland South silezine ezibalisa iTongwe High, iZezani High eziseBeitbridge; iManama eGwanda leMpandeni ePlumtree.
Ezikhokhelayo eMatabelland South kuphela zigoqela iMtshabezi, Thekwane lePhakamani.
EMatabelend North kuleTshabanda eBinga, Mpopoma koBulawayo leNkulumane.
Ukuhlaziya loludaba sixhume uMnu Jaston Mazhale yena ofundisa eJoshua Mqabuko Nkomo College.
