Umongameli Robert Mugabe onguchancellor wekolitshini le University of Zimbabwe ugcobe izifundi ezigqibe izifundo kule ikholitshi ezedlula inkulungwane ezintathu- 3,274. Phakathi kwalezi zifundi bekulomsekeli wakhe unkosikazi Joice Mujuru kanye lomkakhe uGrace Mugabe abakade besenza izifundo zeDoctorate ezifundweni ze Philosophy.
UMujuru, osuke esikolo se Howard Institute esenza izifundo zikaform 2 esiya empini yenkululeko uqhubeke ngezifundo zakhe lapho esephindele ekhaya ngemva kwempi esevele engumpathintambo kahulumende.
Esekhuluma ngemva kokugcotshwa kwakhe uMujuru uthe bekungalula ukuthi abuyele ezifundweni ngapha esondla imhuli kanye lokuba yisiphathamandla sikahulumende lesebandla leZanu PF. Kodwa uthe uyajabula ngempela ukuthi uyifezile injongo yakhe yokuba lemfundo yaphezulu eyokusebenzela hatshi eyokuphiwa nje eye honorary.