amalinks wokungena

Breaking News

Usukeleni kuMDC Renewal uNkosikazi Holland?


Obesaphethe isikhundla sokukhokhela iMDC Renewal Team uNkosikazi Sekai Holland selandule imbiko ethi utshiye isikhundla lesi ngenxa yokulwisana okukhona phakathi kukaMnu Tendai Biti loMnu Elton Mangoma.

UNkosikazi Holland wazise ngokutshiya kwakhe ngempelaviki esithi isikhathi ayesiphiwe esokukhokhela lelibandla sesadlula.

Uthi okwamanje sesebenza ngokugcweleyo lekolitshi leMidlands State University kugatsha lwezifundo eziphathelane lokuthula ezisungulwe lugatsha lweNational Healing phansi kukahulumende womanyano ngo2009.

UNkosikazi Holland uthi ukulwisana kukaMangoma loBiti ukuzwela emaphephandabeni yena kazange akubone ngesikhathi sonke esebenza lababili laba.

UMangoma loBiti babikwa bebanga ubukhokheli bebandla, okwenze imizamo yokumanyanisa ibandla leli leleMDC elikhokhelwa nguMnu Welshman Ncube yehlula.

Sixhume uNkosikazi Holland wachasisa okunengi ngokutshiya kwakhe isikhundla kanye lokuphuma kokuphela kuMDC Renewal.

please wait

No media source currently available

0:00 0:02:27 0:00
Lapho esitholakala khona

XS
SM
MD
LG