amalinks wokungena

Breaking News

Inhlanganiso yeEU Yesula Ezinye Izijeziso Ezafakelwa iZimbabwe


UMongameli Robert Mugabe.
UMongameli Robert Mugabe.

Inhlanganiso yamazwe entshonalanga eye European Union ithi isiyesule ezinye zezijeziso zenotho ezafakelwa abalandeli bebandla leZanu PF lohulumende.

Omele isigodlo seEU eZimbabwe, uNkosikazi Phillipe Van Damme, utshele iStudio 7 ukuthi izijeziso ezafakelwa uMongameli Robert Mugabe labanye bakhe kubandla leli kazesulwanga.

Uthe okuzakwenzakala okwamanje yikuthi imali yenhlelo zikazulu isizaphiwa uhulumende kulokuthi inikwe inhlanganiso ezizimele zodwa.

Izijeziso lezi zafakwa ngomnyaka ka2002 kulandela ukhetho olwalulodlakela olumangaliayo olwatshiya abalandeli bebandla leMDC abaphose bafike amakhulu amabili – 200 befile.

Inhlanganiso yeEU lamazwe anjenge Melika leBhilithane afaka izijeiso lezi esithi ibandla leZanu PF lephula amalungelo kazulu ngokubulala lokutshaya abantu ngesikhathi sokhetho.

Ibandla leli liyakuphika ukuthi abalandeli balo bakhahlameza uzulu ngalesosikhathi. Kasenelisanga ukukhuluma loMnu. Rugare Gumbo isikhulumeli sebandla leZanu PF ngodaba lolu.

Ukuzwe siluhlaziye, sixoxe loMnu. Nkululeko Sibanda ingcwethi kwezombusazwe osekolitshini leHudderfield University eLondon.

XS
SM
MD
LG